Chwilio am Swyddi Gwag

Oeddech chi'n gwybod bod modd tanysgrifio i dderbyn hysbydiadau am swyddi?

Cofrestrwch i dderbyn manylion am swyddi gwag newydd yn syth i'ch mewnflwch trwy gysylltu â ni yma:

Cysylltu â ni

Mae microwefan recriwtio Gyrfa Cymru wedi'i hasesu ac mae'n methu yn erbyn nifer o Ganllawiau Hygyrchedd Cynnwys y We 2.2, yn benodol meini prawf Lefel A a lefel AA. Am fanylion llawn sut mae'n methu, cysylltwch â ad@gyrfacymru.llyw.cymru.

Os na allwch ddefnyddio'r system ac rydych am wneud cais am swydd wag a hysbysebir, anfonwch e-bost i: ad@gyrfacymru.llyw.cymru i gael ffordd amgen o wneud cais.

Rydym wedi hysbysu'r darparwr trydydd parti a ddatblygodd y ficrowefan recriwtio ac rydym yn aros am ymateb i ymdrin â'r materion a nodwyd.

Rydyn ni fel cenedl yn ffynnu pan fyddwn ni’n hyrwyddo amrywiaeth a chynhwysiant. Mae sefydliadau sydd â gweithlu amrywiol yn gwneud penderfyniadau gwell, yn fwy creadigol, yn gryfach, yn hapusach ar y cyfan, ac wrth gwrs - dyma'r peth iawn i'w wneud!

Rydyn ni’n croesawu ceisiadau gan bobl o bob cefndir ac yn ceisio gwneud ein prosesau recriwtio a'n gweithle yn gefnogol ac yn hygyrch. Mae ein dull yn cael ei lywio gan y model cymdeithasol o anabledd, sy'n cydnabod y gall pobl gael eu hanablu gan y ffordd y mae cymdeithas, gweithleoedd, systemau ac agweddau wedi'u cynllunio - nid gan eu hamhariad neu eu gwahaniaeth.

Rhowch wybod i ni os oes angen unrhyw addasiadau rhesymol arnoch chi yn ystod y broses recriwtio neu ar ôl eich penodi. Byddwn yn gweithio gyda chi i ddeall eich anghenion, ac mae gwybodaeth recriwtio ar gael mewn fformatau amgen ar gais.

Croesewir ceisiadau yn Gymraeg neu Saesneg. Ni fydd cais a wneir yn Gymraeg yn cael ei drin yn llai ffafriol na chais a wneir yn Saesneg.

Er na yw sgiliau Cymraeg yn hanfodol ar gyfer yr holl swyddi hyn, rydym yn cydnabod pwysigrwydd datblygu ein gweithlu dwyieithog, ac yn croesawu ceisiadau gan ymgeiswyr a all weithio yn Gymraeg a Saesneg.

Ni fydd unrhyw ymgeisydd am swydd yn derbyn triniaeth lai ffafriol ar sail oed, anabledd, rhywedd a hunaniaeth o ran rhywedd, hil ac ethnigrwydd, crefydd a chredo (yn cynnwys dim credo), statws priodasol neu bartneriaeth sifil, statws economaidd neu dueddiad rhywiol.

Ein nod yw hyrwyddo amgylchedd sy’n rhydd o bob math o wahaniaethu, ac sy’n trin pobl yn deg gydag urddas a pharch. Mae’r ymrwymiad hwn yn dechrau gyda’r broses recriwtio ac yn cael ei gynnal trwy’r holl arferion cyflogaeth, ac yn y pen draw i’r gweithle – gan gefnogi a gwella bywydau pobl Cymru.

Mae Gyrfa Cymru wedi’i achredu i ddefnyddio’r symbol Hyderus o ran Anabledd fel tystiolaeth o’n hymrwymiad i gyfle cyfartal i bobl ag anableddau. O ganlyniad, bydd pob ymgeisydd ag anabledd sy’n bodloni’r meini prawf hanfodol yn mynd ymlaen yn awtomatig i’r cam nesaf, yn hytrach na chael ei asesu drwy’r broses rhestr fer.

Ymysg y buddion deniadol mae oriau hyblyg, 31 diwrnod o wyliau blynyddol (pro rata i weithwyr rhan amser), cynllun pensiwn cyfrannol a chynllun arian yn ôl yn gysylltiedig ag iechyd.

Cliciwch i ddysgu mwy