Ein Hymrwymiad i Degwch, Amrywiaeth a Chynhwysiant yn ystod y Broses Recriwtio

• Rydym yn rhoi hysbysebion swyddi mewn cyfryngau hygyrch fel byrddau swyddi ar-lein a chyhoeddiadau arbenigol. Rydym hefyd yn defnyddio asiantaethau recriwtio. Rydym yn anfon hysbysebion swyddi i Citizens Compact ac rydym yn defnyddio cyhoeddiadau Cymraeg. Gwnawn hyn er mwyn cyrraedd cymunedau amrywiol ac anoddach eu cyrraedd yn y ffordd orau posibl. Mae hysbysebion swyddi hefyd yn cael eu rhoi ar Facebook a Twitter.

• Mae manylion personol pob ffurflen gais yn cael eu tynnu cyn iddynt gael eu hanfon at y panel llunio rhestr fer. Mae hyn yn golygu na ellir gweld y biodata wrth lunio’r rhestr fer. Nid yw'r panel yn gweld eich enw, cyfeiriad nac unrhyw wybodaeth bersonol arall.

• Mae pob panel wedi'i hyfforddi yn y ffordd i drin rhagfarn ddiarwybod.

• Cedwir y Ffurflen Monitro Cydraddoldeb ar wahân i'ch ffurflen gais. Fe'i defnyddir ar gyfer monitro yn unig.

• Mae Gyrfa Cymru yn falch o ddefnyddio'r symbol Hyderus o ran Anabledd. Bydd pob ymgeisydd ag anabledd sy'n bodloni'r meini prawf hanfodol yn hepgor y broses lunio rhestr fer. Os bodlonir y meini prawf hanfodol, byddant yn symud ymlaen i'r cam nesaf.

• Gofynnir i bob ymgeisydd swydd a oes angen unrhyw addasiadau rhesymol arnynt. Gallai hyn fod ar gyfer canolfannau asesu, profion neu gyfweliadau. Gall enghreifftiau gynnwys amser ychwanegol neu ofynion mynediad.

• Rydym yn anfon y cwestiynau cyfweliad at ymgeiswyr 24 awr cyn y cyfweliad. Mae hyn er mwyn cefnogi niwroamrywiaeth a llesiant ymgeiswyr.

• Mae cymysgedd rhywiau ar bob panel, lle bo modd.

• Gallwch wneud cais am swyddi yn Gymraeg neu yn Saesneg. Gall ymgeiswyr am swyddi ddewis cael cyfweliad neu ganolfan asesu yn Gymraeg neu yn Saesneg.

• Mae pob teitl swydd, gan gynnwys y rheini yn y Gymraeg, wedi'u gwirio i sicrhau eu bod yn niwtral o ran rhywedd.

• Mae'r holl ddisgrifiadau swydd yn hygyrch.

• Pan fyddwch chi'n dechrau gweithio, rydyn ni'n gofyn beth yw'ch hoff ragenwau personol. Bydd y rhain yn cael eu rhoi ar eich llofnod e-bost, os ydych yn dymuno hynny. Mae gennym fathodynnau rhagenw ar gyfer y rhai a hoffai wisgo un.

Cliciwch i weld Gwybodaeth am Amrywiaeth a Chynhwysiant ar ein gwefan